Қырғызстан Қазақстанға 270 тонна гуманитарлық көмек жіберді

Елдегі су тасқынынан зардап шеккен өңірлерге Қырғызстан Президенті Садыр Жапаровтың тапсырмасымен 270 тоннадан астам гуманитарлық көмек жөнелтілген. Ол негізінен азық-түлік, киім-кешек, төсек жабдықтары секілді төтенше жағдайға қажетті заттар. Гуманитарлық көмекті тиеген жүк көліктерінің керуені бүгін таңғы сағат төртте Қазақстанға жол тартқан. Қырғызстан Үкіметі бұл үшін 40 миллион сом қаражат бөлген.