«Ворошилов» су қоймасы бөгетінің бұзылуына қатысты қылмыстық іс қозғалды

Алматы облысында «Ворошилов» су қоймасы бөгетінің жарылғанына қатысты қылмыстық іс қозғалды. Облыстық прокуратураның «Немқұрайлылық» бабымен қозғаған ісінен кейін енді Сыбайлас жемқорлыққа қарсы іс-қимыл агенттігі тергеу жүргізеді. Айта кетейік, су қоймасы 2017 жылы сенімгерлік басқаруға жеке кәсіпкердің қолына өткен. Ал қойманың өзі облыстық әкімдіктің Ауылшаруашылығы басқармасына қарасты «Іле-иррегация» мемлекеттік мекемесіне тиесілі. Бұдан бұрын хабарлағанымыздай аталған су қоймасында су 30 наурыз күні бірнеше елдімекенге қауіп төндірді. 12 мыңнан астам адам тұратын 2 елдімекен халқы эвакуацияланды. Қауіп сейілген соң, тұрғындар үйіне қайта оралған еді.

Әйгерім Ердәулет