Қ.Бишімбаев ісі Мәдениет және ақпарат министрінің назарында

Шыдаудың қажеті жоқ. Ажырасу ұят емес. Мәдениет және ақпарат министрі Аида Балаева «Время» газетінің тілшісіне берген сұхбатында осылай деді. Бишімбаев ісі бойынша басты сот талқылауын жіті бақылайтынын мәлім еткен ол Сот әділ шешім шығаратынына сенетінін жеткізді. Әйел ретінде де, ана ретінде де марқұмның анасы мен жақындарына жаны ашитынын айтып, жаға ұстатар бейнекадрларды көрудің өзі қаншалықты ауыр екенін атап өтті.

«Осы мүмкіндікті пайдалана отырып, барлық қыздарға, барлық әйелдерге айтарым: сізге бір рет қол көтерген адам күндердің бір күні өзгереді деп ойламаңыз. Өкінішке қарай, өзгермейді! Әйелді ұрып-соғып, қорлаған ер адам – моральдық негіздер мен адамгершіліктен жұрдай деген сөз», деп мәлімдеді Аида Балаева.