Қарағанды облысында су тасқынының екінші толқынына дайындық артты

Қарағанды облысында су тасқынының екінші толқынына дайындық артты. Облыс бойынша негізгі күш Нұра ауданында шоғырланған. Ол жақта 300-дей адам мен 50-ден астам техника тоқтаусыз жұмыс жасауда. Кеше аталған ауданға қарасты Қарой ауылында су басу қауіпі төнген, алайда құтқарушылар дер кезінде автожолды бұзып, тасқынның бағытын өзгертті. Самарқанд және Жартас су қоймаларынан су ағызу жылдамдығы төмендегенімен, Ынтымақ су қоймасынан секундына 1200 текше метр су ағызу жалғасуда. Барлық елдімекендерде су деңгейі төмендеді.

Мұрат Қатпанов, Облыстық ТЖД Бастығы:

Негізгі күштеріміз Нұра өзенінің бойында орналасқан елдімекендерде. 7 елді мекеннің басында төтенше жағдайлар департаменті, Қорғаныс министрлігі мен жергілікті атқарушы органдардың бөлімшелері жұмылдырылған.

Жандос Бақытұлы