Әскерилер су тасқынынан зардап шеккендерге күні-түні көмектесіп жатыр

Тасқыннан зардап шеккен өңір тұрғындарына Ұлттық Ұланның жауынгерлері күні-түні көмектесіп жатыр. 1300-ден астам әскер Ақтөбе, Атырау, Батыс Қазақстан, Қарағанды, Қостанай және СҚО-да тасқынның алдын алу мен салдарын жою шараларын атқарып жатыр. Олардың көмегімен бөгеттерге құм тасталып, арықтар тазаланып, 900-ге жуық адам эвакуацияланды. Сондай-ақ зардап шеккендерге 700 келідей гуманитарлық көмек жеткізілді.