Жаңалықтарды Telegram арнамыздан оқыңыз!Батыс Қазақстан облысына Шымкент қаласынан да 20 тонна гуманитарлық көмек жетті. Аймаққа алғашқы болып оңтүстік өңірдегі "Аманат" партиясының өкілдері көмек қолын созды. Олар тасқыннан зардап шеккен халыққа азық-түлік, киім-кешек, матрас, жастық секілді тауарларды алып келген. Бұл көмек шаһардағы эвакуациялық орталықтардағы тұрғындарға және су жайылған Бөрлі, Қаратөбе, Сырым аудандарына жеткізіледі.
Абай Сырлыбаев, «Amanat» партиясы жастар рухы» Жастар қанаты Шымкент қалалық филиалының төрағасы:
Шымкент қаласынан келіп тұрмыз. Оралдағы су тасқынына байланысты Amanat партиясы, фракция жетекшілері, партия депутаттары осы 20 тонна гуманитарлық көмекті жіберген болатын. Бізде және де Шымкент қаласындағы белсенді жастар тағы да ақшалай жинап жатыр көмек көрсетуге. Оған үйлерге қажет құрал-жабдықтар аламыз.
