Париждегі Олимпиада кезінде қауіпсіздікті қамтамасыз етуге 46 мемлекеттің әскерилері жұмылдырылады

Парижде өтетін Олимпиада ойындары кезінде қауіпсіздікті қамтамасыз етуге 18 мың француз әскері мен 3 мың ұшқыш жұмылдырылмақ.

Сондай-ақ, Франция үкіметі әлемнің 46 мемлекетінен көмекке әскери қызметкер жіберуді сұраған. Бельгия мен Польша ұсынысты қабылдайтындарын растады. Польша 40 тәртіп сақшысы мен кинологтардан құралған 13 команда жібермек. Олардың міндеті – жарылғыш заттарды анықтап, залалсыздандыру.

Шілденің 26-сы мен тамыздың 11-і аралығында өтетін Олимпиада ойындарын тамашалауға 15 млн адам барады деген болжам бар.