Су басқан өңірлерде Ұлттық ұлан қызметкерлері тәулік бойы жұмыс істеп жатыр

Төтенше жағдай жарияланған аймақтарда Ұлттық ұланның авиациясы мен 1000-нан астам жауынгері және 40 техникасы су тасқынына қарсы шараларға атсалысып жатыр. Әскери қызметшілер тәулік бойы қызмет атқаруда. Олар жергілікті халықты табиғи апат аймақтарынан көшіріп, эвакуациялық пункттерге гуманитарлық көмек жеткізуге, су жағаларын нығайтуға жұмылдырылған.

Бұдан бөлек, қарғын судың арнасын бұрып, каналдарды тазартып жүр. Өткен тәулікте Ұлттық Ұланның авиация экипажы Батыс Қазақстан және Ақтөбе облыстарына 28 адамды қауіпсіз жерге көшірген. Оның 18-і бала. Сондай-ақ 2 тонна көлемінде дәрі-дәрмек пен азық-түлік жеткізген.