АҚШ-тағы бірнеше штат дүлей дауылдан зардап шекті

АҚШ-та бірнеше штат дүлей дауылдан зардап шекті. Мыңдаған үй мен кәсіпорын жарықсыз қалды. Бір адам қаза болған. Верджиния штатының өзінде 140 мың үй электр қуатынсыз отыр. Индиана штатында да қатты дауылдан ағаштар құлап, электр желілері үзілген. Сабақ тоқтатылып, мектептер уақытша жабылған. Торнадоның ықтималдылығы жоғары, - дейді мамандар. Құйыннан зардап шеккен Кентукки өңірінде төтенше жағдай жарияланды. Бұршақ аралас жаңбыр мен қатты жел жұртты әуреге салды. Сондай-ақ, Висконсин өңірінде көктемгі қарлы боранның соңы нөсер жаңбырға ұласқан.