Жол қатынасын реттеуге техникалардың босағанын күтеміз - Шота Оспанов

Қостанай облысының ең шалғай өңірінде жағдай әлі күрделі. Дәл қазір біз осы Жангелдин ауданының әкімі Шота Оспановпен телефон арқылы байланысып отырмыз. Шота Сәбитбекұлы, қайырлы кеш. Қандай ауылдармен қатынас үзілді және ол қашан қалпына келеді?

Шота Оспанов, Жангелдин ауданының әкімі:

Қазір Аралбай, Көкалат, Көлқамыс, Ахмет Байтұрсынұлы Ақкөл, Шеген, Ақшығанақ ауылдарымен қатынас үзіліп тұр. 2-3 күн бұрын Қызбел, Бидайық бағытында үзілді. Оны қалпына келтіруге техникалардың босағанын күтеміз. Жарық он ауылда жоқ. Құлаған бағандардың бәрі суда тұр. Сондықтан оны дұрыстауға, жөндеуге әзір мүмкіндік жоқ.

Су деңгейінің төмендейтін түрі бар ма? 

Шота Оспанов, Жангелдин ауданының әкімі:

Көкалат, Көлқамыс ауылдарында су деңгейі төмендеді. Қазір тұрғанда Аралбайда бірқалыпты деңгейде. Ахмет Байтұрсынұлы, Ақкөл ауылдарында бірқалыпты деңгейде. Төмен түсіп келе жатыр. Қызбелде де бір деңгейде. Яғни алдағы күндері төмендейді деп ойлаймыз. Тәуіш, Сарысу, Сужарған, Қаламқарасуда су деңгейі түсіп тұрған жоқ. 

Дауренбек Әбдібек