Жаңалықтарды Telegram арнамыздан оқыңыз!Батыс Қазақстан облысында трансшекаралық өзендерде су деңгейі сағат сайын көтеріліп жатыр. Елдмекендерге қауіп бар. Өңірдегі тілшіміз Ардақ Мұратқызы қазір бізбен тікелей байланысқа шығуға әзір тұр.
Ардақ Мұратқызы, тілші:
Өңірде төтенше жағдай жарияланды. Қазір Ресейден бастау алатын 5 өзенге су өте көп көлемде келіп жатыр. Біз қазір Шаған өзенінің жағасында тұрмыз. Көріп тұрғаныңыздай, судың қарқыны қатты. Гидобекеттегі қауіпті деңгей 1280 см болса, сол межеге қазір 30 см ғана қалды. Сондай-ақ Деркөл өзені арнасынан асып түсті. Қазір тасқын су Бәйтерек ауданы Белес ауылына қауіп төндіріп тұр. Сондай-ақ, Жайық өзенінде де су көлемі сәт сайын артып келеді. Салдарынан Орал қаласы мен Бәйтерек, Теректі аудандарын су басу қаупі бар. Соңғы мәлімет бойынша, қазір Жайықтың суы 6 метрге жуықтады. Қауіпті деңгей 8,5 метр. Жайыққа су Ресейдегі Ирикла су қоймасынан келеді. Онда қазір секундына 390 текше метр су тасталып жатыр. Ал былтыр бар-жоғы 15 текше метр су келген еді. Яғни су көлемі былтырғыдан 83 есеге көп. Мамандардың мәліметінше, судың деңгейі облыста 30 жыл бұрын болған ең жоғары көрсеткіштен асып кеткен.
Ардақ Мұратқызы
