Батыс Қазақстан облысында төтенше жағдай жарияланды

Батыс Қазақстан облысында төтенше жағдай жарияланды. Өңірдің Сырым, Теректі, Қаратөбе, Бөрлі аудандарында үйлерді жаппай су басып, халық қауіпсіз жерге көшіріліп жатыр. 4 мың адам эвакуацияланған. Оның тең жартысы балалар. Облыс әкімдігінің ақпаратына сәйкес, Ресейден бастау алатын өңірдегі 5 трансшекаралық өзеннің су деңгейі көтерілген. Салдарынан Қараөзен, Сарыөзеннің де су деңгейі ұлғаюда. Қазталов және Жанғалин аудандарын су басу қаупі бар. Аймақта алдын-алу жұмыстары жүргізіліп жатыр.

Самал Қабышева