Жаңалықтарды Telegram арнамыздан оқыңыз!Атырау облысында Ойылдың суы арнасынан асып, дес берер емес. Миялы ауылының маңындағы көпірді тасқын су шайып кетті.
Нұрсұлтан Нұрсейіт Тілші:
Қызылқоға ауданында судан қауіп сейілді. Дегенмен Ойыл өзені арнасынан әлі тасып жатыр. Тасқын су «Сағыз-Миялы-Қарабау-Индер» бағытына қатынайтын жолдағы көпірді шайып кетті. Бұл көпір Миялы мен Жангелдин ауылдары аралығында салынған болатын. Ал жауаптылар бүлінген нысанның барлығы өрдегі су әбден келіп біткен соң жергілікті бюджет есебінен қалпына келтірілетінін айтты. Бұдан бөлек ауылда эвакуациялық пункт болып белгіленген екі мектептің мың жарым оқушысы төтенше жағдай кезінде тоқтаған сабақты жазғы каникул кезінде жалғастыратын болды. Ал Миялы орта мектебі мен Тайсойған ауылындағы мектептің 600 ден астам оқушысы бүгін сабақты онлайн оқып жатыр.
