Қарағанды облысында 3000-нан аса көлік жүргізушіге көмек көрсетілді

 Қарағанды облысында 3000-нан аса көлік жүргізушісі мен олардың жолаушыларына көмек көрсетілді. Дала суының көп мөлшерде келуіне байланысты республикалық маңызы бар Қарағанды - Балқаш тас жолын су шайып, жол жабылған. Аудан әкімдігі мен төтенше жағдайлар бөлімі жолда қалып қойған жолаушыларды жақын жерлерге орналастырып жатыр. Ал тас жолда полиция қызметкерлері күшейтілген режимде жұмыс істеп жатыр.

Дәулет Қонақбаев, Қарағанды облысының ПД ЖПҚБ инспекторы:

Республикалық маңызы бар Алматы –Екатеринбург тасжолының Ақсу Аюлы елдімекені жанынан су тасқынынының жол үстінен өтуіне байланысты Қарағандыдан Балқаш қаласына баратын жол жабылды. Судың жол үстінен өтуі Топар кентінен Ұлытау облысы бағытына, Теміртау-Нұра және Ботақара кентіне қарай баратын жолдағы Петровка елді мекені жанында орын алудаа.

Жандос Бақытұлы