Мемлекет Басшысы Пан Ги Мунмен кездесті

Қытайда мемлекет басшысы Қасым-Жомарт Тоқаев Боао Азия форумының төрағасы Пан Ги Мунмен кездесті. Қазақстан Президенті форумға шақырғаны үшін Пан Ги Мунға ризашылығын білдірді. Кездесуде халықаралық күн тәртібіндегі өзекті мәселелер, оның ішінде Біріккен ұлттар ұйымының жаһандық сын-қатерлерді тиімді еңсерудегі рөлі талқыланды. Мемлекет басшысы Қазақстанның халықаралық бастамаларына да тоқталды. Бас Ассамблеяның 79-шы сессиясы аясында Қазақстан Франциямен бірлесіп, One Water саммитін өткізуді жоспарлап отыр. Сонымен қатар Астанада 2026 жылы Өңірлік климаттық саммит ұйымдастырылатынын жеткізді. Әрі Пан Ги Мунды форумға бас спикерлердің бірі ретінде қатысуға шақырды.

Досжан Маратұлы