Жол ережесін бұзғандар үшін айыппұл мөлшері артуы мүмкін

Жол ережесін бұзғандарға салынатын айыппұл мөлшері артуы мүмкін. Бір топ депутат әзірлеген заң жобасы Мәжілісте қаралып жатыр. Оған сәйкес, жылдамдықты сағатына 60 шақырымнан асырғандар 147 мың теңге айыппұл төлейді. Жол ережесін тағы бұзса, айыппұл мөлшері 221 мың теңгеге өседі. Республикалық маңызы бар жолдардың да қозғалысы бақылауға алынбақ. Бейнекамералар қойылып, көліктің шыққан уақыты мен жеткен уақытын тіркейді. Осылайша, орташа жылдамдығын есептейді. Сағатына 140 шақырымнан асса, айыппұл салынады.