Жаңалықтарды Telegram арнамыздан оқыңыз!Ақтауда сарбаздар жаяу ұрыс көлігін жасап шығарды. Брондалған шағын техниканың салмағы -10 келі. Оған жеңіл автокөліктің аккумуляторы жалғанған. Сағатына 15 шақырым жылдамдықпен жүреді. Үстіне қойылған пулемет 360 градусқа айналады. Жаяу ұрыс көлігі қашықтан басқарылады. Заманауи техниканы теңіз жаяу әскері бригадасының сарбаздары Жүсіп Барманқұлов пен Баттал Османов құрастырған.
Жүсіп Барманқұлов, №2 Шабуылдау батальонының механик-жүргізушісі:
Бұл машинаның артықшылықтары - жаудың тірі күшін және жеңіл броньды техникаларын жоюға арналған құрылғы. Адам шығынынсыз ешқандай шығын әкелмейді. Тек қана 1 адам пультпен қашықтықтын басқару арқылы жаудың тірі күшін жоюға болады.
Аягөз Оралбайқызы
