Батыс Қазақстан Теректі ауданының екі ауылында 26 үйге қарғын су кірді

Батыс Қазақстан облысы, Теректі ауданының екі ауылында 26 үйге қарғын су кірді. Облыстық төтенше жағдайлар департаментінің мәліметінше, түнде Аңқаты ауылында жауын-шашынның мол түсуі мен қардың еруінен 16 тұрғын үйге су жайылған. 27 адам мектеп-интернатқа қайықпен жеткізілді. Мал мен құс қауіпсіз жерге шығарылды. Подстепный ауылында да, он үйге су кіріп, бірнеше отбасы аудандық колледж жатақханасына эвакуацияланды. Өңірдегі 6 тасжолды су шайып кетті. Қазір жол жиектеріне құм төселіп, тәулік бойы кезекшілік ұйымдастырылып жатыр.

Ардақ Мұратқызы