Елордада халықаралық электрбайланыс одағының өңірлік форумы өтіп жатыр

Елордада ТМД өңіріндегі даму мәселелері жөнінде Халықаралық электрбайланыс одағының өңірлік форумы өтіп жатыр. Жиынның басты мақсаты - цифрлық технологияларға тұрақты қол жеткізіп, смарт шаһарларды дамыту. Бүгін киберқауіпсіздік және жеке деректерді қорғау тақырыбында панельдік сессиялар өтеді. Басқосуда Цифрлық даму министрі бұл жиын еліміздегі табысты кейстерді қалыптастырып, цифрлы дипломатияның алға басуына септігін тигізеді деп атап өтті.

Бағдат Мусин, ҚР Цифрлық Даму, инновациялар және аэроғарыш өнеркәсібі министрі:

Біз елді өңірдегі цифрлы хаб ретінде қалыптастыру аясында жұмыстар жүргізіп жатырмыз. Біз осындай жобаларды іске асырудың барлық кезеңдерінде ел үшін қолайлы және сапалы өмір сүру жағдайларын жасайтын тиімді және қолданбалы ұсыныстарды қолдауға әрқашан ашықпыз және дайынбыз. Біз бірге сын-қатерлерді еңсеріп, елдеріміздің цифрлық технологиялар әлеуетін іске асыра аламыз.

Тәуірбек Бозекен