АҚШ-тың Балтимор қаласында кеме соққысынан көпір құлады

АҚШ-тың Мэриленд штатының Балтимор қаласында контейнер таситын кеменің соққысынан көпір опырылып түсті. Соңғы мәліметке қарағанда, өзенге құлаған жеті адам іздестіріліп жатыр. Бірнеше автомашина суға кеткен. Екі адам құтқарылды. Олардың біреуі хал үстінде жатыр. Өзге бір деректерге қарағанда, батып кеткен адам саны 20-дан кем емес. Алып кеме көпірдің бір бағанын түн ортасында қаққан.

Йэн Фирт, құрылыс инженері және көпір дизайнері:

Көпірді осындай алып кеме қаққанда, кейбір проблеманың туындауы ғажап емес. Мұндай ауыр кеме бірдеңеге тиетін болса, оның үстіндегі мыңдаған тонна жүк сол соққыға үлкен салмақ береді. Көпірдің тірегі болса, салыстырмалы түрде нәзік. Сондықтан бұл жағдай мен үшін аса таңсық емес.