Идеология жұмысындағы басты бағыттың бірі – кітап басып шығару ісі

«Идеология жұмысындағы басты бағыттың бірі – кітап басып шығару ісі. Қазақстан нарығында шетел өнімдері басым екені жасырын емес. Ұлттық мүддеге сай келетін кітаптарды көптеп басып шығару өте маңызды. Мемлекет басшысының Ұлттық құрылтайдағы айтқан бұл сөзіне жастар да өз пікірін білдірді.

Алихан Жақсылық, жазушы:

Құрылтай аясында осы кітап нарығы туралы сөз болды ғой. Кітап нарығы, ең бірінші, оқырмандардың әлеуетін, олардың қарым-қабілетін ескеріп жатқан жоқпыз. Ең үлкен қате осы жерден кетті. Себебі, бұл мойындасақ та, мойындамасақ та,  альфа және Z ұрпақтары дүниеге келді. Біз оқырман деңгейіне түспейміз деген әдебиет интеллектуал ретінде есептейді. Әдебиет интеллектуалдық өнер емес. Әдебиет - бұқаралық өнер.