Мәжілісте парламенттік тыңдау өтеді

Мәжілісте Ұлттық Құрылтайда айтылған мәселелер бойынша Парламенттік тыңдау өтеді. Мұны палата төрағасы Ерлан Қошанов мәлімдеді. Президенттің көтерген келелі мәселелері мен сөйлеген сөзін бағдарламалық құжат ретінде қабылдауға болатынын айтты. Әсіресе археология, мемлекеттік рәміздер мен наградалар саласындағы заңнаманы әлі де жетілдіру қажет деді. Сондай-ақ депутаттарға бірқатар міндеттеме жүктеді.

Ерлан Қошанов, ҚР Парламенті мәжілісінің төрағасы:

Бүгінгі депутаттық сауалдар Мемлекет басшысының Ұлттық құрылтайда сөйлеген сөзіне, нағыз қуатты қолдау. Аталған мәселелер Парламенттің ресми мінберінен көтеріліп нақты іске асырылатын болады. Президент белгілеп берген бағыт-бағдар бәріңе түсінікті деп ойлаймын. Сондықтан Ұлттық құрылтайда көтерілген маңызды мәселелер жөнінде Парламенттік тыңдалым өткізуіміз қажет