Қазақ шаруалары сырт елдің сапалы тұқымын егетін болады

Енді қазақ шаруалары сырт елдің сапалы тұқымын егетін болады. Бұл туралы Таразда өтіп жатқан халықаралық ауыл шаруашылығы форумында айтылды. Халықаралық жиынға 12 елдің агросала министрі мен 70-тен аса сарапшы шақырылған.

Басты мақсат – тұқым тапшылығын шешу жолында тәжірбие алмасу. Форум әлі екі күнге жалғасады. Әзірге қатысушыларға түрлі ауылшаруашылық техникаларының көрмесі көрсетілді. Ал түскі уақытта тұқым шаруашылығын дамыту тақырыбы қозғалады. Сондай-ақ, өнімділікті арттыруда ғалымдар еңбегінің нәтижесімен бөліседі.

Ербол Тасжүреков, ҚР Ауыл шаруашылығы министрінің орынбасары:

Зерттеп тапқан тұқымдардың генетикасын элиталық сорттағы тұқымдарды тауып, солардың ең жақсы көрсеткен нәтижелерді бізбен бөліседі. Бірқатар тұқымдарды сырттан әкеліп жатырмыз. Біздегі мақсат 5 жылдың ішінде өзіміздің ұлттық тұқымдарымызды дамыту.

Данияр Әлімқұл