Жоғарғы сотқа банкроттық бойынша 3 мыңнан аса арыз түскен

Жоғарғы сот салық берешегі 186 миллион теңгені құраған Жауапкершілігі шектеулі серіктестікті банкрот деп танудан бас тартты. Себебі, сотқа арызданған басқарма иесі қарызын 23 миллион теңге деп азайтып көрсеткен. Алайда, анықтай келе серіктестік директорының екі банкке 45 миллион, жұмысшыларға 53 миллион және басқа да міндеттемелер бойынша 100 миллион теңгеге жуық берешегі бар болып шықты. Естеріңізге салайық, жалған банкроттық экономикалық қызмет саласындағы қылмыс болып есептеледі. Былтырдың өзінде Жоғарғы сотқа банкроттық бойынша 3 мыңнан аса заңды тұлға арызданған. Оның тек 1187-сі ғана қанағаттандырылды.