Жаңалықтарды Telegram арнамыздан оқыңыз!Ұлттық құрылтай өзекті мәселелер, тың идеялар талқыланып ғана қоймай, шешілуіне жол ашқан алаңға айналды. Мәжіліс депутаттарының пікірі осы.
Ерлан Саиров, ҚР Парламенті Мәжілісінің депутаты:
Атыраудағы Құрылтайда елімізде қабылданып жатқан заңдардың іс жүзінде асу мәселесі, шетке кеткен капиталды қайтару мәселесі қалай шешіліп жатыр. Біздің халқымыздың әлеуметтік жағдайын қалай ұстап тұрамыз? Одан кейін Президенттің нақты тапсырмасы бар 2029 жылға дейін Қазақстанның ішкі өнімін екі есеге өсіру, 16 ірі зауыт салу жөніндегі мәселелер қарастырылатын болады.
Жанарбек Әшімжанов, ҚР Парламенті Мәжілісінің депутаты:
Өткен жылы Түркістанда өткен құрылтайдағы тапсырмалар нақты берілген. Айтатын болсақ, күні кешегі қабылданған отбасылық-зорлық зомбылықтар, балалардың тәрбиесінде кетіп жатқан ақаулықтар сынды мәселелер бойынша Мәжіліс бір жылдың ішінде жұмыс жасап, күні кеше екінші оқылымда қабылдап, сенатқа жіберген зорлық-зомбылық туралы заң жобасы.
