Қазақ пен Әзербайжан халқының бауырластығы жоғары

Қазақ пен Әзербайжан халқының бауырластығы жоғары. Тамыры тереңде жатыр. Сондықтан оның қадірін жастар біліп, бағалауы керек. Астанадағы Әзербайжан диаспорасының ақсақалдар кеңесінің өкілі Нағы Керимов осылай дейді. Оның ата-бабасы саяси қуғын-сүргін заманында қазақ жеріне қоныс аударған. Өзі осы Қазақстанда дүниеге келіп, өсіп-өнген.

 Нағы Керимов, Әзербайжан диаспорасындағы Ақсақалдар кеңесінің өкілі:

Біздің Астанамыздың ортасында Әзербайжанның марқұм президенті Гейдар Әлиев атындағы көше ашылды. Қазіргі Президент Ильхам Әлиев келген еді. Қасым-Жомарт Кемелұлы да болды. Ал Бакуда Абай Құнанбаев көшесі бар. Біздің бір-бірімізге бауырмалдығымыз Түркі халқының жақын болғандығын көрсетіп жатыр. Біз бір-бірімізге бауырлас елміз.