«Отау» ипотекасына 16 мыңнан астам өтініш түскен: 9731 өтініш кері қайтарылған

«Отау» ипотекасы басталғалы, 16 297 адам өтініш берген. Оның басым бөлігі, яғни 9731 өтініш кері қайтарылған.

«Отбасы банкінің» дерегінше, себеп бірнешеу. 9 пайызбен ипотека алғысы келгендер арасында 5-6 өтініш берген адамның қарасы көп. Банк қызметкерлері олар автоматты түрде қабылданбайтынын жеткізді. Сондай-ақ, қатысушылардың тең жартысы негізгі шарттарды орындамаған. Еске салайық, «Отау» ипотекасына қатысу үшін, «Отбасы банкі» салымшысы болу міндетті. Кемінде 1 миллион теңге болатын депозит, сонымен қатар соңғы 5 жылда жеке баспанасы болмау керек.

Тәуірбек Бозекен