Абай облысында Ұлттық спорт орталығы ашылды

Абай облысының Көкпекті ауданында Ұлттық спорт орталығы ашылды. Төл өнерді насихаттап қана қоймай, оны дамытуға арналған мектепте оннан астам үйірме жұмыс істейді. Жаттықтырушылар жасөспірімдерді ұлттық спорт түрлерінің қыр-сырын меңгеруге үйретеді. Садақ ату, бестас, шабандоз сынды өнерді меңгеруге қызығушылық танытқан ауыл балалары қазір орталыққа ағылып келіп жатыр. Қазір тек теориялық түрде оқып жатқан балаларды мамандар жаз шыға бәйге, көкпар мен аударыспаққа баулымақ.

Бауыржан Түсіпжанов, Ұлттық спорт орталығының директоры:

Садақ ату, тоғызқұмалақ, асық ату, аударыспақ, теңге алудан үйірме бар. Қызығушылық өте көп болып жатыр. Балалардың саны көбейіп келе жатыр. Көкпекті ауданының көкпар командасын құрдық.

Ержан Жақып