Қыран баптап, саятшылық құрған қыз

Бұл әлеуметтік желіде көптің көзайымына айналып үлгерген Аяжан Даниярқызы. Алматылық ару бүгінде қыран баптап, атадан мұра болып қалған дәстүрді дәріптейді. Аяжанның сабақтан тыс уақытта құсбегілік өнермен айналысып жүргеніне 2 жылдай уақыт болыпты.

Басында жай ғана қызық көріп, кейін осы бүркітшілік жолды таңдаған. Оны бүркіттің адамға деген сенімділігі, қырағылығы мен күштілігі ерекше баурап алғанын айтады. Осы күнге дейін екі құсты баптаған. Енді осы ұлттық спорттың дамуына үлес қосып, алда өтетін бесінші Дүниежүзілік көшпенділер ойынына қатысуға ниетті.

Аяжан Даниярқызы, құсбегі

Бастапқы да әрине ауыртпалық болады, қолға ұстайтын болғаннан кейін, нәзік болғаннан кейін. Бірақ уақыт өте келе оның бәрін жеңесің. . Бұған қыз балаларды ұлттық спортымызды дамытуға шақырғым келеді. Болашақта осы ұлттық өнерімізді әлемдік деңгейге жеткізгім келеді. Менің ойымша қазақ қызынығ образы - өте байыпты, мінезі көркем болып келеді. Бұрынғы кездерде өзіміз армандайтын қыздардың бейнесі. 

Ақмаржан Ғафиз