Қарағандыда әдеп кеңесі әкімді жұмыстан шығаруды ұсынды

Мемлекеттік қызмет жөніндегі Агенттіктің Қарағанды облыстық әдеп кеңесі ішімдік ішіп көлік жүргізген әкімді жұмыстан шығару туралы ұсыныс жасады. Ғабиден Мұстафин ауылының әкімі Қайрат Құсайынов бұл қателігін осымен бірнеше рет қайталап отыр.

Әдеп кеңесінде оның тәртібі 2018 және 2020 жылдары да қаралып, қатаң ескерту берілген. Осы жолы да медициналық сараптама масаңдықтың орташа дәрежесін растады. Материал сотқа жолданып, ол 7 жылға көлік құралын басқару құқығынан айырылып, 15 тәулікке әкімшілік қамауға алынды.

Руслан Нұрланұлы