Таразда өзге ұлт өкілдері аналарға қазақ тілінде ән арнады

Таразда өзге ұлт өкілдері қазақ тілінде аналарға арнап ән шырқап жарысты. «Ана әні» байқауы облыстық деңгейде өтті. 10 аудан мен Тараз қаласынан 12 үміткер бақ сынады. Қатысушылар қатарында түрік, өзбек, дүнген, орыс, күрд, әзірбайжан мен татар ұлтының өкілдері бар.

Олар байқаудың бастапқы кезеңінде ұлтымыздың салт дәстүрлерінен бейне роликтер де көрсетті. Күй тартып, терме айтқандары да болды. Конкурс жеңімпазы ретінде Мойынқұм ауылынан келген орыс ұлтының қызы Ирина Хасанова марапатталды.

Ирина Хасанова, жарыс жеңімпазы:

Менің әжем болды. Ол мені кішкентай кезімнен өсірген. Өзім анасыз өскен қызбын. Сол себептен осы іс шара өзіме өте жақын. Осы жаққа келген себебім анашыма сағынышымды махаббатымды көрсеткім келді.

Данияр Әлімқұл