Жаңалықтарды Telegram арнамыздан оқыңыз!Парламент Сенаты жергілікті мәслихат депутаттарымен тығыз жұмыс істей бастады. Президент Қасым-Жомарт Тоқаевтың қабылдауында болған палата төрағасы Мәулен Әшімбаев осылай деді. Сенат Спикері елдегі реформаларды заңнамалық тұрғыдан қамтамасыз ету жұмыстарының өткен айлардағы қорытындысы мен алдағы кезеңге арналған жоспарын жеткізді.
Сондай-ақ Қазақстанның Орнықты даму саласындағы ұлттық мақсаттары мен міндеттерінің іске асырылуына мониторинг жүргізу жөніндегі парламенттік комиссияның жұмысы туралы баяндады. Кездесу соңында Президент елімізде жүргізіліп жатқан реформаларды заңнамалық тұрғыдан қолдаудың рөлі зор екенін атап өтті.
