Жоғарғы сот Трамптың есімін сайлау бюллетенінде қалдырды

АҚШ-тың Жоғарғы соты Дональд Трамптың аты-жөнін президенттік сайлау бюллетенінде қалдыру туралы шешім қабылдады. Осылайша Колорадо штатының Ақ үйдің бұрынғы басшысын 2021 жылы Капитолиге шабуыл жасады деп айыптап, оны алдағы сайлаудан алыстату туралы үкімі жойылды. Бұны сарапшылар Трамптың үлкен жеңісі деп сипаттап отыр.

Трамп республикалықтар арасында президенттікке үміткерлік үшін бәсекеде сенімді түрде алда келеді. Айта кетсек, америкалықтар мемлекеттің жаңа басшысын биыл қараша айында таңдайды. Онда қазіргі президент Джо Байден қарсыласын ұтып, тағы төрт жыл билік етуден үмітті.

Арыстан Рысбек