Ақтауда 7 жасар қыздың саусағын эскалатор кесіп кетті

Ақтаудағы сауда үйлерінің бірінде 7 жастағы қыз баланың саусағын эскалатор кесіп кетті. Бүлдіршін бірден ауруханаға жеткізілген. Маңғыстау облыстық денсаулық сақтау басқармасының дерегінше, баланың саусағы қатты зақымданған. Дәрігерлер саусағын аман алып қалу үшін қолдан келген мүмкіндіктің барлығын жасады. «Қазір науқас реабилитационарлық ем-дом қабылдап жатыр. Ал саусағына қатысты қандай да бір болжам жасауға ерте», - деді облыстық денсаулық сақтау басқармасының баспасөз қызметі.

Оңғар Алпысбай