Тель-Авивте мыңдаған адам шеруге шықты

Израильде мыңдаған адам Хамастың кепілінде отырған азаматтарын босатуды талап етті.

Ауқымды шеру Тель-Авивте өткен. Наразы топ премьер-министр Беньямин Нетаньяху үкіметінің отставкаға кетуін талап етті. Олар палестиналық қарулы топ кепілге алған 134 адамды азат ету қауіпсіз жүруі тиіс екенін де алға тартты. Халықаралық қауымдастық та, Газада атысты тоқтатуды талап етіп жатыр. Палестиналық анклавта Израиль шабуылдарынан қаза тапқан адам саны 30 мың 400-ден асты. Тұрғындардың төрттен біріне аштық қаупі төніп тұр.

Арай Төлегенқызы