Гаитиде қылмыстық топ түрмедегі тұтқындарды босатып жіберді

Гаитиде қаруланған қылмыстық топ елдің үлкен түрмесіне баса-көктеп кіріп, мыңдаған тұтқынды босатып жіберді. Шабуыл барысында 3 адам қаза тапты. «Reuters»-дің мәліметіне сай, оқиғаға дейін абақтыда 4 мыңдай адам қамауда болған. Ал қазір олардың саны жүзге де жетпейді. Шабуылды элиталық полицияның бұрынғы офицері Джимми Шеризье өз мойнына алды. Мақсаты - Гаити полициясының басшысын, министрлерді қолға түсіріп, президентті биліктен тайдыру екенін мәлімдеді.

Арай Төлегенқызы