Мемлекет басшысы Қасым-Жомарт Тоқаев Ресей президентімен телефон арқылы сөйлесті

Мемлекет басшысы Қасым-Жомарт Тоқаев Ресей федерациясының президенті Владимир Путинмен телефон арқылы тілдесті. Тараптар стратегиялық серіктестік пен одақтастық рухындағы екіжақты ынтымақтың қарқынды дамып келе жатқанына назар аударды. Әрі Ресей Президентінің былтыр қараша айында Астанаға жасаған ресми сапары және Қасым-Жомарт Тоқаевтың жуырда Қазан қаласына жұмыс сапары аясында қол жеткізілген уағдаластықтардың жүзеге асырылу барысын талқылады. Сонымен қатар энергетика, транзит және логистика салаларындағы бірлескен жобаларды ілгерілетудің маңыздылығына тоқталды.

Досжан Маратұлы