Халықаралық турнирде пара үстел теннисінен 78 жастағы спортшы күміс жүлде алды

Астанада өтіп жатқан пара үстел теннисінен халықаралық турнирде 78 жастағы Галиа Беспалая күміс жүлде алды. Ең егде спортшымыз 1-ші және екінші санат бойынша жарысқа қатысқан. Ол пара үстел теннисі бойынша Қазақстанның 23 дүркін чемпионы. Бұл спорт түрімен айналысып жүргеніне 25 жылға жуықтаған. Жалпы, бұл халқаралық турнир елімізде алғаш рет ұйымдастырылып отыр. Жарыс кеше басталды. Наурыздың 3-не дейін жалғасады. Турнирге әлемнің 20-ға жуық елінен 150-дей спортшы қатысып жатыр. Ал Қазақстанның атынан 11 санат бойынша 53 спортшы бақ сынауда.

Азамат Бейбітұлы