Бангладеште 6 қабатты сауда орталығы өртеніп, 45 адам қаза тапты

Бангладеш астанасы Даккада алты қабатты сауда орталығы өртеніп, 45 адам қаза тапты. Олардың көбі тұншығып немесе биіктен секіріп мерт болған. Тағы ондаған тұрғын жараланды. Мұны осы елдің денсаулық сақтау министрлігі хабарлап отыр. Оның дерегінше, құрбандар саны артуы мүмкін. Себебі ауруханада жатқан 22 адамның жағдайы ауыр.

Алапат өрт осы ғимараттың бірінші қабатындағы ресторанда тұтанып, қас-қағым сәтте маңайына тарап үлгерді. Дегенмен 70-тен астам адам құтқарылды. Өртке газдың тарауы себеп болуы мүмкін. Оқиғаны тергеу үшін комиссия құрылды. 

Арыстан Рысбек