Жаңалықтарды Telegram арнамыздан оқыңыз!Астаналық кәсіпкерлер бөлшек салық режимін жылдам енгізуді сұрады. Айтуыларынша, бұл жүйе ыңғайлы әрі әр кәсіпкердің табысын ашық көрсетуге мүмкіндік береді. Бүгін елордада бизнес өкілдері қала әкімінің орынбасарына түйткілді мәселелерін айтты. Қазір еліміздің бірқатар өңірінде кәсіпкерлер табысының 2 пайызын мемлекетке салық ретінде төлеп отыр.
Ал Астана Мәслихаты 3 пайызға дейін ғана түсірген. Жиынға қатысқан сала мамандары да, депутаттар да міндетті төлем көлемі азайса, жергілікті бюджеттің кірісі керісінше өседі деп отыр.
Олжас Құспеков, ҚР Парламенті Мәжілісінің Депутаты:
Бюджеттің түсетін мөлшері азайып кетсе әлеуметтік жобалар жұмыс істемей қалуы мүмкін. Сондықтан үрейлері бар. Меніңше азаймайды. Бұл 2 пайыз халықаралық тәжірибе. Біз соған түсуіміз керек. Оған түскен кезде барлығы көлеңкелі экономикадан шығатын болса, сауда орындары, базарлар барлығы шығатын болса онда бюджет одан 2 есе пайда көруі мүмкін.
Оңғар Алпысбай
