Жаңалықтарды Telegram арнамыздан оқыңыз!Ұлыбритания билігі жылдың екінші жартысына жоспарланған сайлаудың әділ өтуіне жасанды интеллект кері ықпал етеді деп қауіптенеді. Бұған дейін де жоғары лауазымды саясаткерлер дипфейктің құрбаны болып үлгергені белгілі. Өткен жылы Лейбористер партиясының көшбасшысы Кир Стармердің әріптестеріне дауыс көтеріп, бейәдеп сөздер айтып жатқан даусы әлеуметтік желілерде тарады. Кейін бұл - жасанды интеллектің күшімен жасалған жалған аудиожазба екендігі мәлім болды. Лондон мэрі Садик Ханның да даусы қасақана таралған жалған ақпарат болып шықты.
Биыл Ұлыбританияда, АҚШ-та, Үндістанда және басқа да елдерде әртүрлі деңгейде өтетін сайлауларда жасанды интеллект кедергі келтіруі мүмкін. Технологиялардың қарқынды дамуы үлкен қауіп төндіріп тұр, - дейді Британ билігі.
Джеймс Клеверли, Ұлыбритания ішкі істер министрі:
Жасанды интеллект халықты жаңылыстыру әрі адастыру дәуірін бастап кетті. Сондықтан бұл сала қатаң бақылауды қажет етеді. Жоғары технологиялық компанияларды демократия құндылықтарын қорғау үшін бірлесе әрекет етуге шақырамын.
Марина Бекенова
