Жамбыл облысында боран соғып, көліктер жолда тұрып қалды

Жамбыл облысындағы Қордай асуында жол жабылып, көлік қозғалысы тоқтады.

Қарлы боран соғып, түнгі сағат оннан бері автокөліктің барлық түріне шектеу енгізілді. Салдарынан Алматы-Ташкент-Термез бағытында бірнеше шақырымға созылған көлік кептелісі пайда болды. Әсіресе жүк көліктерінің қарасы көп. Суыра соққан желден Алматыға жақын автодәліз бөлігін қар басып қалған. Қазір көліктер Кенен және Қайнар ауылдары арасындағы ескі асу арқылы өтіп жатыр.

Данияр Әлімқұл