Жаңалықтарды Telegram арнамыздан оқыңыз!
Қостанай облысының Тобыл қаласында белгісіз ер адам металл сынықтарын қабылдайтын орынға қарақшылық шабуыл жасады. Ол кассада отырған қызметкерді тапаншамен қорқытып, 792 000 теңгені алып кеткен. Полиция дереу із кесуге кірісті. Қаладан шыққан барлық көліктер тексерілді.
Арада бір күн өткенде күдікті Рудный қаласында ұсталды. Одан тапанша, ақша тәркіленді. Қазір қаруға сараптама жасалып, тергеу амалдары жүріп жатыр. Күдіктінің қылмысы дәлелденсе мүлкі тәркіленіп, 5 жылдан 10 жылға дейін бас бостандығынан айырылуы мүмкін.
Дәуренбек Әбдібек
