Түркістанда балаға дөрекілік танытқан тәрбиеші жұмыстан босатылды

Әлеуметтік желіде балабақша қызметкері кішкентай бүлдіршінге дөрекілік танытып, жұлқылағаны туралы бейнежазба тарады.

Полиция тексере келе бұл оқиғаның 21 ақпан күні Түркістан қаласындағы жекеменшік балабақшалардың бірінде болғанын анықтаған. 1,5 жастағы баласының бетіндегі қызарған дақтарды байқаған анасы балабақшадағы бейнебақылау камерасын қарап шыққан. Ондағы көріністен кейін құзырлы органдарға шағымданған.

Облыстық білім басқармасы бүгін тәрбиешінің баланы жұлқылағанын ресми түрде растап, оның өз өтініші негізінде жұмыстан босатылғанын жеткізді. Ал полиция тергеу шараларын бастап кетті.

Асылжан Қалдарбеков, Түркістан облыстық пд бастығының орынбасары:

Анасының арызы бойынша қылмыстық іс қозғалды. Тиісті сараптамалар тағайындалды. Қазіргі уақытта барлық мән-жайлар анықталуда.

Айнұр Әбілқасымқызы