Елімізде базалық мөлшерлеме 14,75%-ға дейін төмендеді

Елімізде базалық мөлшерлеме 14,75 пайызға дейін төмендеді. Ұлттық банк төрағасының айтуынша, бірден 50 базистік тармаққа түсуінің бірнеше себебі бар. Жылдық инфляция жыл басында 9,5%-ға дейін баяулаған. Ел экономикасы 5 пайызға өскен. Сондай-ақ мұнай бағасының тұрақталуы да мөлшерлемені азайтуға түрткі болған. 

Болжам бойынша, қара алтын құны 2025 жылы да берреліне 80 доллар деңгейінде сақталады. Баға саясаты осы қалпында қалып, мұнай өндірісі артқан жағдайда ел экономикасы биыл 4,5 пайызға дейін көтерілуі мүмкін. Десе де, базалық ставканың өзгеруі депозиттердің мөлшерін шамамен 0,5 пайызға төмендетеді.