Конституциялық сотқа 5 мыңнан астам өтініш түскен

Былтыр Конституциялық Сотқа бес мыңнан астам өтініш, оның 99 пайызы азаматтардан келіп түскен. Мемлекет басшысының қабылдауында болған конституциялық сот төрағасы Эльвира Азимова осылай мәлімдеді. Қазір Конституциялық Сот қабылдаған шешімдерді және сот практикасының шолуын ескеру туралы ұсыныстар Парламент Мәжілісінің қарауында жатыр, - деді ол. Президент аталған органның құрылуы және оның қызметі Конституцияның мүлтіксіз сақталуын қамтамасыз етуге, адам мен азаматтардың құқықтарын, бостандығын қорғауға қатысты қоғам мен мемлекеттің сұранысына сай келетінін айтты.