-55 градус: Семей орманында соңғы 20 жылдағы ең төмен температура тіркелді

«Семей Орманы» табиғи орман резерваты аумағында соңғы 20 жылдағы ең төмен ауа температурасы тіркелді. Батпай орман шаруашылығында термометр көрсеткіштері 55 градус суықты көрсеткен. Сондай-ақ Көкпекті ауданындағы Үлкенбөкен орман шаруашылығының «Тау дала» филиалында 53 градусқа дейін суытқан. Абай облысында соңғы екі-үш күнде қатты аяз бет қаратпай тұр. Бүгін «Қазавтожол» мекемесі өңірдегі 6 жол учаскесінде күннің қатты аяз болуына байланысты дизельмен жүретін көліктер үшін шектеу қойылғандығын хабарлады.

Ержан Жақып