Жаңалықтарды Telegram арнамыздан оқыңыз!Қазақ телевизиясының тарихында тұңғыш рет қазақша хабар жүргізген диктор Зұлқия Жұматова бүгін 104 жасқа толды.
Ардагер Алматы телестудиясы ашылған 1958 жылы дикторлыққа жарияланған конкурсқа қатысып, 750 адамның арасынан үздік шыққан. Сол кездегі комиссия мүшелерінің бірі әйгілі режиссер Шәкен Аймановтың көзіне түседі. Дикторлық дәуірдің дара тұлғасының саналы ғұмыры - көрерменнің көз алдында. Көптің ықыласына бөленген Зұлқия Жұматова халқына қашан да тілекші.
Қос ғасыр куәгерінің ғұмыры барлық буын өкілдеріне өнеге. Сол қалпынан танбаған телевизия ардагері Ұлттық арна көрерменіне жыл сайын ыстық ықыласын білдіріп келеді.
