Президент: Қазақ-өзбек ынтымақтастығы барлық салада дамып келеді

Мемлекет басшысы Өзбекстанның Сыртқы істер министрі Бахтиёр Саидовты қабылдады. Президент қазақ-өзбек ынтымағы-барлық салада қарқынды дамып келе жатқанын атап өтті. Кездесуде сауда-экономикалық ықпалдастықты кеңейту мәселелері талқыланды. Екі елдің дамуына тың серпін беретін жаңа бағыттарды қарастыру және екіжақты тауар айналымын арттыру маңызды екені айтылды.

Бахтиёр Саидов екі ел басшылары Қазақстан мен Өзбекстан арасындағы одақтастық қарым-қатынасты нығайту үшін жоғары меже қойып отырғанын айтты.

Кездесу барысында су шаруашылығы саласындағы ынтымақ және Орталық Азиядағы өңірлік қауіпсіздікті қамтамасыз ету мәселелері талқыланды.