Жаңалықтарды Telegram арнамыздан оқыңыз!Екібастұзда нөмірі екінші жылу электр стансасын жаңғырту кезінде 1 млрд теңгеге жуық қаражат жымқырылған. Мәліметті Павлодар облысының прокуратурасы таратты. Құзырлы орган 3-ші энергоблокты орнатумен жылу электр станциясын кеңейтуге және реконструкциялауға арналған қаражаттың жұмсалуын тексеріп, заң бұзу деректерін анықтаған. Әзірге атқарылды деп көрсетілген, бірақ расталмаған жұмыстардың көлемі шамамен 1 млрд теңгеге жеткен.
Қазір aca ірі мөлшерде мүлікті жымқыру дерегі бойынша қылмыстық іс қозғалып, сотқа дейінгі тергеп-тексеру жүріп жатыр. Прокуратура жақында мемлекетке келтірілген залалдың нақты мөлшерін және осы қылмысқа қатысы бар тұлғалардың есімін жарияламақ.
